அஹ்மத் நஜாதிற்கு நல்ல ஹோட்டலில் தங்க அனுமதிக்க கூடாது – யூத அமைப்புகள் மிரட்டல் !

நியூயார்க்: ஐ.நா பொது அவையின் வருடாந்திர கூட்டத்தில் பங்கேற்க அமெரிக்காவின் நியூயார்க் நகருக்கு வந்துள்ள ஈரான் அதிபர் அஹ்மத் நஜாதை தனிமைப்படுத்தும் பிரச்சாரத்தை யூத அமைப்புகள் துவங்கியுள்ளன. நஜாதிற்கு நல்ல ஹோட்டலை அளிக்காதீர்கள்!நஜாதிற்கு வசதிகள் அளிக்க கூடாது! போன்ற கோரிக்கைகளின் பெயரால் நியூயார்க் ஹோட்டல்களின் உரிமையாளர்களுக்கு யூத அமைப்புகள் மிரட்டல் விடுத்துள்ளன. வருகிற புதன்கிழமை ஐ.நா பொது

அவையில் அஹ்மத் நஜாத் உரை நிகழ்த்த உள்ளார். நஜாத் தங்கியிருப்பதாக கருதப்படும் வார்விக் ரெஸ்ட்ராண்டின் முன்னால் நஜாதை ஹிட்லருடன் ஒப்பிடும் படங்கள் வரைந்த டீ ஷர்ட்டுகளை அணிந்துகொண்டு யூத அமைப்பினர் போராட்டம் நடத்த உள்ளனராம்.  ‘யுனைட்டட் எகைன்ஸ்ட் நியூக்ளியர் ஈரான்’ என்ற அமைப்பும் நஜாதிற்கு எதிராக பிரச்சாரம் நடத்துகிறது.