இந்தியாவின் காபி ஏற்றுமதி 9% உயர்வு

இந்தியாவின் காபி ஏற்றுமதி இந்த ஆண்டு ஜனவரி முதல் மே வரையிலான காலத்தில் 9.32 சதவீதம் உயர்ந்துள்ளது. ரூபாய் மதிப்பில் இது ரூ. 2,567 கோடியாகும். சர்வதேச சந்தையில் காபிக்கு அதிக விலை கிடைத்ததால் ஏற்றுமதி வருமானம் அதிகரித்துள்ளது என்று காபி வாரியம் வெளியிட்ட அறிக்கையில் குறிப்பிடப்பட்டுள்ளது.

இந்தியாவின் அன்னிய செலாவணி கையிருப்பு அதிகரிப்பு

தொடர்ந்து நான்காவது வாரமாக அன்னிய செலாவணி கையிருப்பு அதிகரித்துள்ளதாக ரிசர்வ் வங்கி அறிவித்துள்ளது.

கடனுக்கான வட்டியை ரிசர்வு வங்கி குறைக்கும் - ஆனந்த்சர்மா நம்பிக்கை

பணவீக்கம் குறைந்து வரும் நிலையில் வளர்ச்சிக்கு ஊக்கம் கொடுக்கும் நடவடிக்கையில் ரிசர்வு வங்கி கவனம் செலுத்தும். அந்த வகையில் ஏப்ரல் 1ஆம் தேதி நடைபெற உள்ள காலாண்டு நிதிக்கொள்கையின்போது வட்டி குறைப்பு அறிவிப்பை ஆர்பிஐ வெளியிடலாம் என்று அவர் சுட்டிக் காட்டினார். 

கடனுக்கான வட்டி விகிதத்தை கடந்த ஜனவரி 28ஆம் தேதி நடைபெற்ற காலாண்டு நிதிக் கொள்கையின்போது 7.75 சதவீதத்தில் இருந்து 8 சதவீதமாக ரிசர்வு வங்கி உயர்த்தியது. பிப்ரவரி மாதத்தில் நாட்டின் பணவீக்க விகிதம் ஒட்டுமொத்த விற்பனை விலை அட்டவணையின்படி 4.68 சதவீதமாகக் குறைந்தது. கடந்த 9 மாதங்களில் பிப்ரவரி மாதத்தில்தான் 5 சதவீதத்துக்குக் கீழ் பணவீக்கம் குறைந்துள்ளது. இதேபோல சில்லறை வர்த்தகத்தின் பணவீக்கம் கடந்த 25 மாதங்களில் இல்லாத அளவுக்கு 8.1 சதவீதமாகக் குறைந்தது. 

நாட்டின் பொருளாதார வளர்ச்சி கடந்த நிதி ஆண்டில் (2012-13) கடந்த 10 ஆண்டுகளில் இல்லாத அளவாக 4.5 சதவீத அளவுக்குச் சரிந்தது. நடப்பு நிதி ஆண்டில் வளர்ச்சி 4.9 சதவீத அளவுக்கு இருக்கும் என எதிர்பார்க்கப்படுகிறது. இந்திய பொருளாதார வளர்ச்சி ஒரு காலத்தில் 9 சதவீத அளவுக்கு உயர்ந்திருந்தது. அத்தகைய வளர்ச்சியுடன் ஒப்பிடுகையில் நடப்பு நிதி ஆண்டுக்கான வளர்ச்சி மிகவும் குறைவானதாகும். பொருளாதார வளர்ச்சியை எட்ட வேண்டுமானால் தொழில் துறைக்கு வழங்கப்படும் கடனுக்கான வட்டி விகிதத்தைக் குறைக்க வேண்டும் என்று தொழில்துறையினர் கோரி வருகின்றனர். 

வட்டி குறைப்பு நடவடிக்கைகளுக்கு , தேர்தல் நடத்தை விதிமுறைகள் அமலில் உள்ள போதும் தேர்தல் ஆணையத்தின் அனும தியை பெற வேண்டிய தேவை இல்லை இந்த விவகாரத்தில் ரிசர்வ் வங்கிக்கு முழு உரிமை உள்ளது என்றார்.ரிசர்வு வங்கியின் காலாண்டு நிதிக் கொள்கை என்பது அரசியல் சாசன விதிமுறைகளுக்குள்பட்டது என்று சர்மா சுட்டிக் காட்டினார். 

தனியார் நிறுவனங்கள் வங்கி தொடங்கு வதற்கான உரிமம் வழங்குவதற்கு தேர்தல் ஆணையத்தின் அனுமதியை ரிசர்வு வங்கி எதிர் நோக்கியுள்ளது. இந்நிலையில் காலாண்டு நிதிக்கொள்கை அறிவிப்புகளுக்கு தேர்தல் ஆணையத்தின் ஒப்புதலைப் பெற வேண்டிய அவசியம் இருக்காது என்று ஆனந்த்சர்மா கூறியுள்ளார்

தங்கம் விலை சவரனுக்கு ரூ.168 குறைந்தது

சென்னையில் இன்று தங்கம் விலை பவுனுக்கு ரூ.168 குறைந்தது. ஒரு பவுன் ரூ.22 ஆயிரத்து 88 ஆக உள்ளது. ஒரு கிராம் ரூ.2,761 க்கு விற்கிறது.

வெள்ளியும் கிலோவுக்கு ரூ.495 குறைந்துள்ளது. ஒரு கிலோ ரூ.43 ஆயிரத்து 810 ஆகவும், ஒரு கிராம் ரூ.46.90 ஆகவும் உள்ளது.

சீனாவைக் காட்டிலும் இந்திய பொருள்களின் தரம் நன்றாக உள்ளது: தேசிய சிறு தொழில் கழகம் (என்.எஸ்.ஐ.சி.) தெரிவித்துள்ளது.

உள்நாட்டு சந்தையில் சீன பொருள்களின் வரத்து அதிகமாக உள்ளது. அதேசமயம், இந்திய சிறு தொழில்துறை நிறுவனங்கள் உற்பத்தி செய்யும் பொருள்களின் தரம் சீனாவைக் காட்டிலும் நன்றாக உள்ளது என தேசிய சிறு தொழில் கழகத்தின் (என்.எஸ்.ஐ.சி.) தலைவர் மற்றும் நிர்வாக இயக்குனர் எச்.பி.குமார் தெரிவித்துள்ளார்.

குறு, சிறு மற்றும் நடுத்தர நிறுவனங்களை மத்திய அரசு மேம்படுத்தி வருவதால் சீன தயாரிப்புகளின் போட்டியை இந்திய நிறுவனங்களால் முறியடிக்க முடிகிறது. தொழில் நுட்பத்தை மேம்படுத்துவது மற்றும் உற்பத்தியை அதிகரிப்பதன் மூலம் பொருள்களின் விலையை குறைத்து சந்தையில் போட்டியிடும் திறனை அதிகரிக்கும் வகையில் நடவடிக்கைகள் மேற்கொள்ளப்பட்டு வருகின்றன என குமார் மேலும் தெரிவித்தார்.

மத்திய குறு, சிறு மற்றும் நடுத்தர தொழில்துறை அமைச்சகத்தின் கீழ் என்.எஸ்.ஐ.சி. செயல்பட்டு வருகிறது. சிறிய நிறுவனங்களின் உள்நாட்டு மற்றும் வெளிநாட்டு வர்த்தக நடவடிக்கைகளுக்கு பல்வேறு திட்டங்கள் வாயிலாக ஊக்கம் அளித்து வருகிறது. புதிய சந்தைகளுக்கான வாய்ப்பை ஆராய்தல் மற்றும் பெரிய அளவில் ஆர்டர்களை பெறுவது போன்றவற்றை இந்நிறுவனம் மேற்கொள்கிறது. 2011–12–ஆம் நிதி ஆண்டு நிலவரப்படி இந்தியாவில் 4.48 கோடி குறு, சிறு மற்றும் நடுத்தர நிறுவனங்கள் உள்ளன.

சிறு மற்றும் நடுத்தர நிறுவனங்களின் வளர்ச்சிக்காக 32 நாடுகளுடன் இந்தியா ஒப்பந்தம் மேற்கொண்டுள்ளது. எகிப்து, ஜிம்ப்பாவே மற்றும் தென்னாப்ரிக்கா உள்ளிட்ட 12 நாடுகளில் பயிற்சி மையங்களை அமைத்து உள்ளது. மெழுகுவர்த்தி மற்றும் சோப்பு போன்ற பொருள்கள் உற்பத்தி செய்வதற்கு தொழில் தொடங்குபவர்களுக்கு இந்த மையங்களில் பயிற்சி அளிக்கப்படுகிறது.
 

வாகனங்கள் விற்பனை சரிவால் வங்கி சாரா நிதி நிறுவனங்களின் கடன் வளர்ச்சி 50% குறையும்

நடப்பு 2013–14–ஆம் நிதி ஆண்டில் வங்கி சாரா நிதி நிறுவனங்களின் சில்லறை கடன் வளர்ச்சி 50 சதவீதம் குறைந்து 8–10 சதவீத அளவிலே இருக்கும் என தர ஆய்வு நிறுவனமான இக்ரா மதிப்பிட்டுள்ளது. சென்ற நிதி ஆண்டில் இது 19 சதவீதம் வளர்ச்சி கண்டு இருந்தது.

பொருளாதார வளர்ச்சி குறைந்ததை அடுத்து வாகனங்களின் விற்பனை தொடர்ந்து பல மாதங்களாக சரிவை சந்தித்துள்ளது. நிறுவனங்களும் விரிவாக்க நடவடிக்கைகளில் களம் இறங்க தயங்கின. மேலும் குடியிருப்புகளின் விலையும் அதிகமாக இருந்ததால் பொதுமக்கள் இதில் முதலீடு செய்ய தயங்கினர். தங்கம் மீதான கட்டுப்பாட்டு நடவடிக்கைகளால் தங்கத்திற்கு வழங்கப்படும் கடனின் மதிப்பு குறைக்கப்பட்டது.

 இதனையடுத்து இப்பிரிவுகளில் வங்கி சாரா நிதி நிறுவனங்களின் கடன் வளர்ச்சி குறைந்தது. நடப்பு நிதி ஆண்டின் முதல் ஒன்பது மாதங்களில் இந்நிறுவனங்களின் கடன் வளர்ச்சி 5 சதவீதமாகவே உள்ளது. இது சென்ற ஆண்டின் இதே காலத்தில் 15 சதவீதமாக இருந்தது.

பங்கு வியாபாரம் ‘சென்செக்ஸ்’ 35 புள்ளிகள் உயர்வு

பங்கு வியாபாரம் வாரத்தின் கடைசி வர்த்தக தினமான வெள்ளிக்கிழமை அன்று அதிக ஏற்ற, இறக்கத்துடன் காணப்பட்டது. மும்பை பங்குச் சந்தையின் குறியீட்டு எண் ‘சென்செக்ஸ்’ 35 புள்ளிகள் உயர்ந்தது.

ஏற்றுமதி

ஏழு மாதங்கள் தொடர் வளர்ச்சிக்கு பிறகு பிப்ரவரி மாதத்தில் ஏற்றுமதி 3.67 சதவீதம் குறைந்தது. மேலும் பொருளாதார வளர்ச்சியும் குறைந்துள்ளது. கோர் இன்ஃப்ளேஷன் எனப்படும் அடிப்படை பணவீக்கம் உயர்ந்துள்ளதால் ரிசர்வ் வங்கி முக்கிய கடன் வட்டி விகிதங்களை குறைக்காது என சில நிபுணர்கள் தெரிவித்தனர். சர்வதேச அளவிலும் பங்கு வியாபாரம் மந்தமாக இருந்தது. எனவே, காலையில் வர்த்தகம் தொடங்கியதும் ‘சென்செக்ஸ்’ 200 புள்ளிகளை இழந்திருந்தது. வங்கி, ஐ.டி. ஆகிய துறைகளைச் சேர்ந்த பல நிறுவனங்களின் பங்குகள் பலத்த அடி வாங்கின. மிட்கேப் குறியீட்டு எண் 0.23 சதவீதமும், ஸ்மால் கேப் குறியீட்டு எண் 0.34 சதவீதமும் குறைந்தது.

எனினும், பிப்ரவரியில் மொத்த விலை பணவீக்கம் ஒன்பது மாதங்களில் இல்லாத அளவிற்கு 4.68 சதவீதமாக குறைந்துள்ளது என்ற செய்தி முதலீட்டாளர்களுக்கு நிம்மதி அளிப்பதாக அமைந்தது. இதனையடுத்து பொறியியல், ரியல் எஸ்டேட், மோட்டார் வாகனம் ஆகிய துறைகளைச் சேர்ந்த பல நிறுவனங்களின் பங்குகளை முதலீட்டாளர்கள் வாங்கினர்.

மொத்த விலை பண வீக்கம் 4.68 சதவீதமாக குறைவு

உணவு பொருட்களுக்கான மொத்தவிலை பண வீக்கம் கடந்த பிப்ரவரியில் அதற்கு முந்தைய மாதத்துடன் ஒப்பிடும்போது 8.8 சதவீதத்தில் இருந்து 8.12 சதவீதமாக குறைந்தது. கடந்த டிசம்பர் மாதத்தில் இருந்தே பண வீக்கம் குறைந்து வருகிறது.

நேற்று வெளியிடப்பட்ட ஆண்டு அடிப்படையிலான கணக்கீட்டின்படி மொத்த விலை பண வீக்க பட்டியலின்படி வெங்காயம் 20.06 சதவீதமாகவும், தக்காளி 8.36 சதவீதமாகவும் ஆகியுள்ளது. ஆனால், மொத்த காய்கறி விலையானது கடந்த பிப்ரவரியில் 3.99 சதவீதமாக குறைந்துள்ளது. ஜனவரியில் இது 16.6 சதவீதமாக இருந்தது குறிப்பிடத்தக்கது.

தங்கம், வெள்ளி இறக்குமதி 71.4 சதவீதம் சரிந்தது

தங்கம், வெள்ளி இறக்குமதி 71.4 சதவீதம் சரிந்து ரூ.9,943 கோடியாக குறைந்தது.
 

நடப்பு கணக்கு பற்றாக்குறையை ஈடுசெய்யவும், பண வீக்கத்தை கட்டுப்படுத்தவும் மத்திய அரசு பல்வேறு நடவடிக்கைகளை எடுத்து வந்தது. இதனால், தங்கம், வெள்ளி இறக்குமதி செய்வது குறைந்து வந்தது.

தொழில்துறை உற்பத்தி 0.1 சதவீதம் அதிகரிப்பு

ஜனவரி மாதத்தில் தொழில்துறை உற்பத்தி 0.1 சதவீதம் உயர்ந்துள்ளது. டிசம்பர் மாதத்தில் 0.16 சதவீதம் (மறு மதிப்பீட்டின்படி) சரிவடைந்து இருந்தது. நவம்பர் மற்றும் அக்டோபர் மாதங்களில் 2.1 சதவீதம் மற்றும் 1.8 சதவீதம் குறைந்து இருந்தது.

முன்னேற்றம்

ஆக, மூன்று மாதங்கள் தொடர் சரிவுக்குப் பின் தொழில்துறையில் முன்னேற்றம் ஏற்பட்டுள்ளது. தொழில்துறை உற்பத்தி வளர்ச்சி குறித்து பிரதம மந்திரியின் பொருளாதார ஆலோசனைக் குழு தலைவர் சி.ரங்கராஜன் கூறுகையில், ‘‘ஜனவரியில் எதிர்பார்ப்புகளுக்கு இணையாக தொழில்துறையில் முன்னேற்றம் ஏற்பட்டுள்ளது. பிப்ரவரி மற்றும் மார்ச் மாதங்களில் உற்பத்தி துறையில் வளர்ச்சி ஏற்படும்’’ என்று தெரிவித்துள்ளார்.