பாரீஸ் : ஒரே பாலினத்தை சேர்ந்தவர்கள் திருமணம் செய்வதை ஊக்குவிக்கும் பொருட்டு பிரான்ஸ் அரசாங்கம் அனைத்து விதமான அரசு ஆவணங்களிலிருந்தும் “அம்மா” “ அப்பா” எனும் வார்த்தைகளை நீக்க முடிவு செய்துள்ளது சர்ச்சையை கிளப்பியுள்ளது. வழமையாக ஆணும் பெண்ணும் திருமணம் செய்வது மரபு. சமீப காலமாக அமெரிக்கா மற்றும் சில ஐரோப்பிய நாடுகளில் முன்னேற்றம் எனும் பெயரில் ஒரே பாலினத்தை சேர்ந்தவர்கள் திருமணம் செய்து கொள்ளும் போக்குக்கு ஆதரவு பெருகி வருகிறது. இச்சூழலில் இப்படிப்பட்ட கலாசார பெருமைக்கு? தலைநகராக கருதப்படும் ப்ரான்ஸில் ஒரே பாலினத்தை சேர்ந்தவர்கள் திருமணம் செய்வதை அரசு ஆதரிக்க தொடங்கியது. ஆனால் ஒரே பாலினத்தை சேர்ந்தவர்கள் திருமணம் செய்தால் தந்தை மற்றும் தாய் என யார் பெயரை போடுவது என குழப்பம் ஏற்படும் நிலை இருந்தது.
இச்சங்கடத்தை நீக்கும் பொருட்டு இனி அரசு ஆவணங்களில் அம்மா, அப்பா என்ற பெயர்கள் நீக்கப்படும் என்றும் அதற்கு பதில் பெற்றோர்கள் 1, 2 என்று இடம் பெறும் என்று ப்ரான்ஸ் அரசு புதிய வரைவு சட்டம் இயற்றியுள்ளது. மேலும் திருமணம் என்பது ஓரே பாலினம் அல்லது வெவ்வேறு பாலினத்தை சார்ந்த இருவரின் சங்கமம் என்றும் தெரிவிக்கப்பட்டுள்ளது.
மேலும் ஒரே பாலினத்தை சார்ந்தவர்களுக்கு குழந்தைகளை தத்தெடுக்கும் விஷயத்தில் வழமையாக திருமணம் செய்யும் வெவ்வேறு பாலினத்தை சேர்ந்தவர்களை போன்றே சம உரிமை கொடுக்கப்படும் என்றும் அவ்வறிக்கையில் தெரிவிக்கப்பட்டுள்ளது. சென்ற வாரம் இத்தகு சட்டம் கொண்டு வந்தால் சமூகத்தில் பல தார மணமும் ஒழுக்க சீர்கேடும் ஏற்படும் என்று ப்ரான்சு கத்தோலிக் சர்ச் தலைவர் பிலிப்பீ பார்பரின் எச்சரித்திருந்தது குறிப்பிடத்தக்கது.
கருத்துகள் இல்லை:
கருத்துரையிடுக