பாப்புலர் ஃப்ரண்ட் சார்பாக இலங்கை துணை தூதரகம் முற்றுகை போராட்டம் நடைபெற்றது !

• சென்னை மாவட்டம்: பாப்புலர் ஃப்ரண்ட் ஆஃப் இந்தியா  சார்பாக 01.04.2013 திங்கள்கிழமை அன்று மாலை இலங்கை துணை தூதரகம் முற்றுகை போராட்டம் நடைபெற்றது.
  
  சென்னை லயோலா கல்லூரி எதிரில் வைத்து முஸ்லிம்களை ராஜபக்சே மற்றும் புத்த சிங்கள பாசிஸகுருமார்களுக்கு எதிராக 01.04.2013 திங்கள்கிழமை அன்று மாலை இலங்கை துணை தூதரகம் முற்றுகை போராட்டம் பாப்புலர் ஃப்ரண்ட் சார்பாக நடைபெற்றது.மாநில துணைத்தலைவர் சேக் அன்சாரி தலைமை தாங்கி கண்டன உரையில் இலங்கையில் ஆளும் சிங்கள பௌத்த அரசாங்கம் தமிழர்களை தொடர்ந்து முஸ்லீம்களை வேரறுக்க வேண்டும் எனும் நோக்கில் தொடர்ச்சியாக முஸ்லிம்களுக்கெதிராக பள்ளிவாசல் இடிப்பு , ஹலால் முத்திரை நீக்குதல் , முஸ்லிம்களின் கலாச்சார உரிமைகளை மறுக்கும் நோக்கில் ஹிஜாபை தடை செய்தல் பர்தா மற்றும் தொப்பி அணிந்து வரும் முஸ்லீம்களை அச்சுறுத்துதல் என பல்வேறு அச்சுறுத்தும் வேலைகளை செய்து வருகிறது .
  
  அதன் தொடர்ச்சியாக இலங்கை கொலும்புவில் உள்ள பெபிலியானாவில் அமைந்துள்ள முஸ்லிம்களுக்கு சொந்தமான Fashion Bug நிறுவனத்திற்குள் நேற்றிரவு அத்துமீறி நுழைந்து பௌத்தபிக்குகளும், பாசிஸ வெறியர்களும் நிறுவனத்தின் சொத்துக்களுக்கு சேதம் விளைவித்ததோடு, அங்கிருந்த ஊழியர்களையும் தாறுமாறாக தாக்கி படுகாயப்படுத்தியுள்ளனர்.

• முஸ்லீம்களை துடைத்தெறிய வேண்டும் எனும் நோக்கில் தொடர்ச்சியாக பல்வேறு அநியாயங்களை செய்து வரும் பாசிஸ சிந்தனை கொண்ட பௌத்த பயங்கரவாதிகளையும் , இன அழிப்பில் ஈடுபட்டுள்ள சிங்கள அரசாங்கத்தையும் வன்மையாக கண்டிப்பதோடு மத்திய அரசு உடனே தலையிட்டு முஸ்லிம்களுக்கெதிரான தாக்குதலை தடுத்து நிறுத்த இலங்கை அரசுக்கு அழுத்தம் கொடுக்க வேண்டும் என தனது உரையில் கூறினார்.இறுதியில் மேலப்பாளையம் நகர அப்துல் லத்திப் நன்றியுரை ஆற்றினார் இதில் இலங்கைக்கு எதிராகவும்,அப்பாவி தமிழர்கள் மற்றும் முஸ்லிம்களை அழிக்கும் புத்த சிங்கள பயங்கரவாதிகளுக்கு எதிராக கண்டன முழக்கங்கள் எழுப்பப்பட்டது .இதில் 150க்கும் மேற்பட்ட மக்கள் கலந்து கொண்டு கைது செய்து பின்னர் விடுவிக்கப்பட்டனர்.