இந்த நிலையில் பிடதி ஆசிரமத்தில் செய்தியாளர்கள் நித்தியானந்தாவை சந்தித்தபோது ஆர்த்தி ராவ் விவகாரம் வெடித்தது. நித்தியானந்தா ஆதரவாளர்களால் கன்னட சுவர்ணா டிவி செய்தியாளர் அஜீத் என்பவர் தாக்கப்பட்டதாக தெரிகிறது. அவருக்கு ஆதரவாக கன்னட நவநிர்மான் சேனே அமைப்பினர் பதில் தாக்குதலில் ஈடுபட்டனர்.
இதையடுத்து இரு தரப்பினர் மீதும் போலீஸார் வழக்குப் பதிவு செய்தனர். இரு தரப்பிலும் பலர் கைதானார்கள். நித்தியானந்தா தலைமறைவாகி விட்டார். அவரை ராம்நகர் போலீஸார் தீவிரமாக தேடி வந்தனர். அவரது ஆசிரமும் தற்போது அரசின் கைகுக்குப் போய்விட்டது. அங்கு சோதனைகள் நடத்தப்பட்டு வருகின்றன.
இந்நிலையில், நித்யானந்தா மீதான வழக்கை ரத்து செய்யுமாறு நித்யானந்தா தரப்பில் கோரிக்கை மனு ஒன்று பெங்களூர் உயர்நீதிமன்றத்தில் தாக்கல் செய்யப்பட்டது.
இந்த மனுவை இன்று விசாரித்த உயர்நீதிமன்றம், வழக்கை ரத்து செய்யவேண்டும் என்ற கோரிக்கையை மறுத்ததோடு, இம்மனு மீதான விசாரணையை நாளை மறுநாளுக்கு ஒத்திவைத்து உத்தரவிட்டது.
இதனைத் தொடர்ந்து யாரும் எதிர் பாராதவகையில், நித்யானந்தா கர்நாடக மாநிலத்தில் உள்ள ராம் நகர் மாவட்ட நீதிமன்றத்தில் சரண்டைந்தார். அவரை ஒரு நாள் நீதிமன்ற காவலில் வைக்க நீதிபதி உத்தரவிட்டார். இதனையடுத்து நித்யானந்தா ராம் நகர் மாவட்ட சிறைக்கு அழைத்து செல்லப்பட்டு அடைக்கப்பட்டார்.
கருத்துகள் இல்லை:
கருத்துரையிடுக