சவூதியின் வணிகச் சக்ரவர்த்தியான இளவரசர் அல்வலீத் பின் தலால் அல் சவூத் அரபுலக அதி செல்வந்தர்களில் முதலிடத்தில் உள்ளார். இவருடைய சொத்து மதிப்பு 21.3 பில்லியன் டாலர்கள் என்றும் , ஒட்டுமொத்த அரபுலக அதி செல்வந்தர்களின் மொத்த சொத்து மதிப்பு 257 பில்லியன் டாலர்கள் என்றும், இது 5 சத முன்னேற்றம் என்றும் கூறப்படுகிறது. இப்பிராந்தியத்தில் கடந்த சில மாதங்களாக நிலவும் அமைதிக்குலைவையும் மீறி இம்முன்னேற்றம் ஏற்பட்டுள்ளது.
இப்பட்டியலில் இரண்டாமிடத்தில் இருக்கும் எம்பிஐ குழுமத்தின் முஹம்மது அல் ஜாபர் $ 12.6 பில்லியன் சொத்துகளைக் கொண்டுள்ளார்.
முதல் ஐம்பது பேரில் ஐக்கிய அரபு அமீரகத்தார் நால்வரும், மூன்று கத்தர் நாட்டவர்களும், மூன்று குவைத்தியர்களும், ஒரே ஒரு எகிப்தியரும் உள்ளனர்.
சவூதியின் ஒலயான் குழுமம் மூன்றாம் இடத்தைத் தக்க வைத்துள்ளது. இதன் சொத்துமதிப்பு $12.4 பில்லியன்களாக உள்ளது. கடந்த ஆண்டைக் காட்டிலும் அரை பில்லியன் டாலர்கள் கூடியுள்ளது.
அல் ஸாஹித் குழுமத்தலைவர் இஸ்ஸாம் அல் ஸாஹித் கடந்த ஆண்டின் 22 ஆம் இடத்திலிருந்து எழும்பிக் குதித்து இவ்வாண்டு நான்காம் இடத்தைப் பிடித்துள்ளார். சொத்து மதிப்பு $10.7 பில்லியன்கள்.
சவூதியின் முஹம்மத் அல் அமூதிக்கு ஐந்தாம் இடம் . சொத்து மதிப்பு $ 10.4 பில்லியன்கள்
குவைத்தின் அல்கராஃபி ஆறாம் இடம் தக்கவைப்பு - சொத்து மதிப்பு $ 8.2 பில்லியன்கள்
கடந்த முறை இருந்த 25 ஆம் இடத்திலிருந்து இம்முறை ஏழாம் இடத்திற்கு வந்துள்ளது குவைத்தின் புகம்ஸீன் குழுமம்.
தனது செல்வ மதிப்பில் 26 சதவீதம் இழப்பு கண்டாலும், எட்டாம் இடத்தில் இருப்பது சவூதியின் பின்லாடன் குழுமம் - சொத்து மதிப்பு $ 7.25 பில்லியன்கள்.
ஜெத்தாவை வணிக மையமாகக் கொண்ட புக்ஸான் குழுமம் ஒன்பதாம் இடத்தில் உள்ளது - சொத்து மதிப்பு $7பில்லியன்கள்.
மத்திய கிழக்கின் செல்வந்தர்கள் என்ற இப்பட்டியலில் இடம் பிடிக்கத் தவறிய வளைகுடா நாடாக பஹ்ரைன் உள்ளது. எனினும் அதன் கானு குழுமத்தார் பஹ்ரைனின் முதன்மை செல்வந்தர்களாக உள்ளனர் என்றும் கூறப்பட்டுள்ளது
கருத்துகள் இல்லை:
கருத்துரையிடுக