போராட்டக்காரர்கள் மீது ஹெலிகாப்டர் மூலம் குண்டு வீசி வருகிறது. ராக்கெட் குண்டுகளும் வீசப்படுகின்றன. இருந்தும் புரட்சி படையின் முன்னேற்றத்தை கட்டுப்படுத்த முடியவில்லை.
இதனால் அதிபர் ஆசாத்தின் அரசு ஆட்டம் காணும் நிலையில் உள்ளது. போராட்டத்தை ஒடுக்கும் முயற்சியில் ராணுவமும், அரசின் உயர் அதிகாரிகளும் தீவிரமாக உள்ளனர்.
இந்த நிலையில் அதிபர் ஆசாத் திடீரென தலைமறைவாகிவிட்டார். அவரது மனைவி, மற்றும் 3 குழந்தைகளையும் காணவில்லை. அவர்கள் எங்கு இருக்கிறார்கள் என தெரியவில்லை.
சமீபத்தில் நடந்த புரட்சிபடை தாக்குதலில் ராணுவ மந்திரி கொல்லப்பட்டார், அவர் ஆசாத்தின் மைத்துனர் ஆவார். அவருக்கு பதிலாக நேற்று புதிய மந்திரி பதவி ஏற்றார். அந்த நிகழ்ச்சியில் ஆசாத் கலந்து கொண்டு அவருக்கு வாழ்த்து தெரிவித்தார். இது டி.வி.யில் ஒளிபரப்பானது. ஆனால், பதவி ஏற்பு விழா, எங்கு நடந்தது என்று தெரிவிக்கப்படவில்லை.
அதே நேரத்தில் ஆசாத் இன்னும் உயிருடன் இருக்கிறார். பாதுகாப்புடன் இருப்பதாக செய்தி வெளியிட்டது. இதற்கிடையே, சிரியாவில் இருந்து ஆயிரக்கணக்கான மக்கள் அகதிகளாக லெபனானுக்கு சென்ற வண்ணம் உள்ளனர்.
டமாஸ்கசில் இருந்து 40 கிலோ மீட்டர் தூரத்தில் எல்லை பகுதியில் உள்ள மாஸ்னாவில் இருந்து தனியார் கார்கள் மற்றும் பஸ்கள் மூலம் குடும்பம் குடும்பமாக வெளியேறுகின்றனர்.
கருத்துகள் இல்லை:
கருத்துரையிடுக