டிவிட்டர்,பேஸ்புக்கில் இணைந்தார் கருணாநிதி !

 சென்னை:   முன்னாள் முதல்வரும் தி.மு.க.தலைவருமான கருணாநிதிக்கென தனியான டிவிட்டர் மற்றும் பேஸ்புக் முகவரிகள் உருவாக்கப்பட்டுள்ளன.

சுதந்திர தினமான இன்று இந்த பக்கங்கள் உருவாக்கப்பட்டுள்ளது. டிவிட்டரில் www.twitter.com\kalaignar89 என்ற பெயரிலும், பேஸ்புக்கில் www.facebook.com\kalaignar89 என்ற பெயரிலும் கருணாநிதிக்கென வலைப் பக்கம் உருவாக்கப்பட்டுள்ளது. இந்த இணைய தளங்களை இளைஞர்கள் அதிகளவில் பயன்படுத்தி வருகின்றனர். இது தவிர பெரும்பாலான அரசியல் பிரமுகர்கள் டிவிட்டர் மூலம் தங்களது கருத்துக்களை தெரிவித்து வருகின்றனர்.

இது தவிர கருணாநிதிக்கென ஒரு தனி இணையதளமும் ஆகஸ்ட் 17 முதல் துவக்கப்பட உள்ளது. www.kalaignarkarunanidhi.com என்ற இந்த தளத்தினை கருணாநிதி துவக்கி வைப்பார் என அறிவிக்கப்பட்டுள்ளது.