அமெரிக்க அதிபர் தேர்தல்: மிட் ரோம்னி குடியரசு கட்சி வேட்பாளர் !

ஃப்ளோரிடா:இவ்வாண்டு நவம்பர் மாதம் நடைபெறவிருக்கும் அமெரிக்க அதிபர் தேர்தலில் பாரக் ஒபாமாவுக்கு எதிராக குடியரசு கட்சி சார்பாக மிட்ரோம்னி அதிகாரப்பூர்வ வேட்பாளராக அறிவிக்கப்பட்டுள்ளார். துணை அதிபருக்கான தேர்தலில் பால் ரியான் போட்டியிடுகிறார். மாஸேசூட்ஸில் முன்னாள் ஆளுநராக பதவி வகித்தவர் 65 வயதான மிட் ரோம்னி. மிட் ரோம்னிக்கு எதிரான கடுமையான

விமர்சனங்களை நேற்று முன்தினம் பாரக் ஒபாமா வெளியிட்டிருந்தார். மிட் ரோம்னிக்கு அதிபர் என்ற நிலையில் பெரும் சுமையான பதவியை வகிக்கும் தகுதி இல்லை என்று அசோசியேட் ப்ரஸ் செய்தி நிறுவனத்திற்கு அளித்த பேட்டியில் ஒபாமா கூறியிருந்தார்.