ஒலிம்பிக் போட்டிகள் இம்மாதம் 27-ந்தேதி தொடங்குகிறது. இந்த போட்டிகளில் பங்குபெற்று வெற்றி பெறும் விளையாட்டு வீரர்களுக்கு தங்கம், வெள்ளி மற்றும் வெண்கல பதக்கங்கள் வழங்கப்படும். இந்த பதக்கங்களை ரியோ டிண்டோ என்கிற நிறுவனம் தயாரித்தது. மொத்தம் 4700 பதக்கங்கள் தயாரிக்கப்பட்டு தயார் நிலையில் உள்ளது. போட்டி தொடங்க இன்னும் 24 நாட்கள் உள்ள நிலையில் தங்கம் மற்றும் வெள்ளி பதக்கங்கள் பாதுகாப்பாக லண்டன் டவரில் வைக்கப்பட்டுள்ளது.
இந்த கட்டிடத்தில் அரசு குடும்பத்தினரின் நகைகள் மற்றும் அரிய வகை பொருட்கள் பாதுகாத்து வைக்கப்பட்டுள்ளன. ஒலிம்பிக் பதக்கங்கள் இங்கு வைக்கப்பட்டுள்ளதை அடுத்து லண்டன் டவருக்கு மேலும் பாதுகாப்பு பலப்படுத்தப்பட்டுள்ளது.
பதக்கங்களை இந்த கட்டிடத்தில் கொண்டு வைப்பதற்கு பாரம்பரிய இசை இசைக்கப்பட்டு வெகுவிமரிசையாக கொண்டு செல்லப்பட்டது. ஒவ்வொரு விளையாட்டிலும் பதக்கம் வழங்கப்படும் நாள் வரை இந்த பதக்கங்கள் அங்கேயே பாதுகாக்கப்படும்.
முதன்முதலாக துப்பாக்கி சுடுதல் போட்டிக்கான பதக்கம் ஜூலை 28-ந்தேதி வழங்கப்படும்.
கருத்துகள் இல்லை:
கருத்துரையிடுக