தேர்தல் முறைகேடுகள் மூலம் வெற்றி பறிக்கப்பட்டதாக எதிர்க்கட்சிகள் குற்றம்சாட்டியுள்ளன. புடினுக்கு எதிராக மாஸ்கோவில் பிரம்மாண்ட பேரணிகள் நடத்தப்பட்டன. இந்த சூழ்நிலையில், அதிபர் தேர்தலை உன்னிப்பாக கவனிக்க ஐரோப்பிய பாதுகாப்பு மற்றும் ஒத்துழைப்புக்கான அமைப்பின் சார்பில் சர்வதேச பார்வையாளர்கள் ரஷ்யா வந்திருந்தனர்.
புடினுக்கு எதிராக அதிபர் தேர்தலில் போட்டியிட மிகைல் கோடர்காவ்ஸ்கி என்பவர் திட்டமிட்டிருந்தார். முன்னாள் எண்ணெய் வர்த்தக தொழிலதிபரான அவருக்கு ரஷ்யாவில் கடந்த சில ஆண்டுகளாக செல்வாக்கு அதிகரித்து வந்தது. பல்வேறு குற்றச்சாட்டுகள் அடிப்படையில் அவர் சிறையில் அடைக்கப்பட்டார்.
அரசியல் கைதியான அவரது தண்டனையை மறுபரிசீலனை செய்வதாக தேர்தலுக்கு முன் அதிபர் மெத்ததேவ் உறுதி அளித்திருந்தார். எனவே, மிகைல் வெளியே வந்து போட்டியிடுவார் என்ற நம்பிக்கையில் விடுதலை கட்சியினர் புடினுக்கு எதிராக வேட்பாளரை நிறுத்தவில்லை. ஆனால், தேர்தல் அறிவிக்கப்பட்ட பிறகும் மிகைலை ரஷ்ய அரசு விடுதலை செய்யவில்லை.
எனவே, எதிர்த்து போட்டியிட வலுவான தலைவர் இல்லாத நிலையில் புடினின் வெற்றி மக்கள் மீது திணிக்கப்பட்ட வெற்றி என்று அவர்கள் வர்ணித்தனர். இதையடுத்து, ரஷ்யாவில் எதிர்க்கட்சிகள், புடின் எதிர்ப்பாளர்கள் மீண்டும் போராட்டத்தில் குதித்துள்ளனர்.
தேர்தல் விதிமீறல்கள், மோசடிகளை எதிர்த்து காலவரையற்ற பிரசார கூட்டம், ஆர்ப்பாட்டத்தில் ஈடுபடப் போவதாக நேற்று அறிவித்தன. "அடுத்த சில நாட்களில் மாஸ்கோ நகரே குலுங்கும் வகையில் பிரம்மாண்ட ஆர்ப்பாட்டம் நடைபெறும்" என்று எதிர்க்கட்சியை சேர்ந்த அலெக்சி நவால்னி தெரிவித்தார்.
இந்நிலையில், தேர்தலில் விதிமீறல்கள் நடந்தது உண்மைதான் என்று பிரதமர் புடின் ஒப்புக் கொண்டார். அவர் கூறுகையில், "விதிமீறல்கள் நடந்திருக்கலாம். அவற்றை அடையாளம் கண்டு அனைவரது சந்தேகத்தையும் போக்க வேண்டியுள்ளது. அதற்காக விசாரணை நடத்த உத்தரவிட்டுள்ளேன்" என்றார்.
| 
கருத்துகள் இல்லை:
கருத்துரையிடுக