புவனேஸ்வர்:ஒரிசாவில் மாவோயிஸ்டுகளால் கடத்தப்பட்ட இத்தாலிய சுற்றுலாப்பயணி பொசஸ்கோவை மாவோயிஸ்டுகள் விடுவித்துள்ளனர். கடந்த 29 நாட்களாக தங்களது பிடியில் பிணைக் கைதியாக வைத்திருந்த பொசஸ்கோவை கந்தமால் மாவட்டத்தில் ரைகியா என்ற இடத்திற்கு அருகே அரசுக்கும், மாவோயிஸ்ட்டுகளுக்கும் இடையே மத்தியஸ்தராக இருந்த தண்டபானி மொஹந்தியிடம் அவரை ஒப்படைத்தனர்.
கடந்த மார்ச்-14 ம் தேதி இத்தாலி நாட்டு சுற்றுலா பயணிகள் 2 பேரை மாவோயிஸ்டுகள் கடத்திச் சென்றனர்.
முதலில் நல்லெண்ண அடிப்படையில் கொலாஞ்செலோவை விடுவித்த மாவோயிஸ்ட்டுகள் பொசஸ்கோவை விடுவிக்க வேண்டும் என்றால் அரசு தங்களின் கோரிக்கைகளை ஏற்றுக்கொள்ள வேண்டும் என்று தெரிவித்தனர். அவர்கள் கூறியவாரே சிறையில் உள்ள 5 பேரை விடுவிக்க ஒரிசா அரசு ஒப்புக் கொண்டுள்ளது. மேலும் 12 நிபந்தனைகளை நிறைவேற்ற நடவடிக்கை எடுக்க அரசு சம்மதித்துள்ளது. இதையடுத்து தான் பவோலோ விடுவிக்கப்பட்டுள்ளார்.
இதனிடையே மற்றொரு மாவோயிஸ்டுகள் குழுக்களால் கடத்தி செல்லப்பட்ட ஆளும் பிஜூ ஜனதா தள எம்.எல்.ஏ.வை விடுவிக்க புதிய நிபந்தனையை அவர்கள் விதித்துள்ளதாக தகவல்கள் தெரிவிக்கின்றன.
கருத்துகள் இல்லை:
கருத்துரையிடுக