வருடந்தோறும் நடைபெற்று வரும் துபை ஷாப்பிங் திருவிழா நாளை ( 5.1.2012) தொடங்குகிறது. இந்த திருவிழா 5.2.2012 வரை ஒரு மாதகாலம் நடைபெறும். 1996 முதல் நடைபெற்று வரும் இந்த ஷாப்பிங் திருவிழா, 17 வது வருடமாக இந்த வருடம் நடைபெறுகிறது. இதில் துபையில் உள்ள 70 மிகப் பெரிய வணிக வளாகங்களும் 6000 கடைகளும் கலந்து கொள்கின்றன. ஒரு மாதத்திற்கு வாடிக்கையாளர்களுக்கு வாங்கும் பொருட்களுக்கு, மிகப் பெரிய கழிவுகளும் சலுகைகளும் வழங்கப்படுவதோடு, ஏராளமான பரிசுகளும் வழங்கப்பட உள்ளன.கடந்த வருடம் நடைபெற்ற ஷாப்பிங் திருவிழாவின் மூலம், 15 பில்லியன் திர்ஹத்திற்கு அமீரக பொருளாதாரம் வளர்ச்சி அடைந்தது குறிப்பிடத்தக்கது. கடந்த வருடம் இந்த திருவிழாவை 40 லட்சம் மக்கள் கண்டு களித்தனர். இதில் 884,660 பேர் வெளிநாடுகளில் இருந்து வந்தவர்கள். வெளிநாடுகளில் இருந்து வந்தவர்களில் பெரும்பான்மையோர் இந்தியாவில் இருந்து வந்தவர்கள்.( 11%). துபையில் பல்வேறு இடங்களில் இந்த ஒரு மாத காலத்திற்கும் கலை நிகழ்ச்சிகளும் கேளிக்கை நிகழ்ச்சிகளும் நடைபெற உள்ளன.
கருத்துகள் இல்லை:
கருத்துரையிடுக