டோக்கியோ:ஜப்பான் பிரதமரின் வரி உயர்வு மசோதாவை எதிர்த்து ஆளும் குடியரசு கட்சியின் முக்கிய உறுப்பினரான இசிரோ ஒசாவா உட்பட கட்சியைச் சேர்ந்த 52 பாராளுமன்ற உறுப்பினர்கள் தங்களின் பதவியை ராஜினாமா செய்துள்ளனர்.பாராளுமன்ற கீழ் சபையிலிருந்து 40 உறுப்பினர்களும் மற்றும் மேல் சபையிலிருந்து 12 உறுப்பினர்களும் தங்களின் பதவியை ராஜினாமா செய்துள்ளது
கடந்த வாரம் ஜப்பானின் பிரதமர் யோஷிஹிகோ நோடா பாராளுமன்ற கீழ்சபையில் விற்பனை வரியை 5 சதத்திலிருந்து 10 சதமாக உயர்த்தும் மசோதாவை தாக்கல் செய்தார். இம்மசோதா பெருவாரியான உறுப்பினர்களின் ஆதரவுடன் பாராளுமன்றத்தில் நிறைவேற்றப்பட்டது. எனினும் இம்மசோதாவிற்கு மேல் சபை ஒப்புதல் அளிக்கவில்லை.
2015-ல் விற்பனை வரியை இரு மடங்காக உயர்த்துவது குறித்த பிரதமரின் இந்த மசோதா பாராளமன்றத்தின் 469 வாக்குகளில் 363 வாக்குகளை பெற்றிருந்தது குறிப்பிடத்தக்கது. ஆனால் ஆளும் குடியரசு கட்சியின் உறுப்பினர்களில் 57 பேர் இதற்கு எதிர்ப்பு தெரிவித்து இருந்தனர்.
பிரதமரின் இந்த மசோதா 3 வருடங்களுக்கு முன் குடியரசு கட்சியின் தேர்தல் வாக்குறுதியை மீறுவதாக குடியரசு கட்சியின் முக்கிய உறுப்பினரான ஒசாவா குற்றம் சாட்டியுள்ளார். இதனைத் தொடர்ந்து ஒசாவா தனிக்கட்சி ஆரம்பிக்கலாம் என்றும் எதிர்பார்க்கப்படுகிறது.
கருத்துகள் இல்லை:
கருத்துரையிடுக