திருப்பூர்: சாலையில் வாகனங்கள் ஓட்டிக்கொண்டிருக்கும்போது வாகன ஓட்டுனர்களிடம் மொபைல்போன் இருப்பது சோதனையின் போது கண்டுபிடிக்கப்பட்டால் அவரது ஓட்டுனர் உரிமம் ரத்து செய்யப்படும் என திருப்பூர் எஸ்.பி., பாலகிருஷ்ண எச்சரித்துள்ளார் இதுகுறித்து எஸ்.பி., பாலகிருஷ்ணன் வெளியிட்டுள்ள அறிக்கையில்: பள்ளி குழந்தைகளை ஏற்றிச்செல்லும் வாகன ஓட்டுநர்கள், பயணிகளை ஏற்றிச்செல்லும்
பெரிய மற்றும் சிறிய ரக பேருந்துகள் ஓட்டும் வாகன ஓட்டுனர்கள் தங்களது மொபைல்போனில் பேசிக்கொண்டே அஜாக்கிரதையாக வாகனங்களை ஓட்டுவதால் விபத்து ஏற்பட்டு உயிரிழப்பு, படுகாயம் உள்ளிட்ட பல துயரச்சம்பவங்கள் அடிக்கடி நடந்து வருகின்றன. இதுபோன்ற விபத்துகள் ஏற்படுவதால், தங்கள் குழந்தைகள் பற்றி பெற்றோர் கண்ட கனவு கலைந்து விடுவதோடு, பல குடும்பங்கள் பாதிக்கின்றன. திருப்பூர் மாவட்டத்தில் பள்ளி வாகனம் மற்றும் பயணிகளை ஏற்றிச்செல்லும் பேருந்து வேன், ஆட்டோ ஓட்டிச்செல்லும் ஓட்டுனர்கள் வாகனத்தை ஓட்டிக்கொண்டே மொபைல்போன் பேசுவதை அறவே நிறுத்த வேண்டும்.வாகனத்தை ஓட்டும் ஓட்டுனர்கள் கையில் மொபைல்போன் இருக்கக் கூடாது. காவல்துறையினர் சோதனை செய்யும் போது ஓட்டுனர்களிடம் மொபைல்போன் இருந்தால் அவர்களின் ஓட்டுனர் உரிம்ம் ரத்து செய்ய நடவடிக்கை எடுக்கப்படும்.
மேலும், இவ்வாறான அஜாக்கிரதையான செயலால் துயரச்சம்பவங்கள் ஏதாவது நிகழ்ந்தால் வாகன உரிமமும் ரத்து செய்யப்படும். எனவே, வாகன உரிமையாளர்களும், வாகன ஓட்டுனர்கள் வாகனத்தை ஓட்டும்போது மொபைல்போன் பயன்படுத்தக் கூடாது என கண்டிப்பாக அறிவுறுத்த வேண்டும், என்று தெரிவித்துள்ளார்.
கருத்துகள் இல்லை:
கருத்துரையிடுக