எம்.பிக்களின் கடிதம்:சி.பி.ஐ மீது நம்பிக்கை இல்லாவிட்டால் எஃப்.பி.ஐ-வை அணுகலாம்!- பா.ஜ.கவுக்கு காங்கிரஸ் ஆலோசனை!

புதுடெல்லி: நரேந்திர மோடிக்கு விசா வழங்கக் கூடாது என்று எழுதப்பட்ட கடிதம் தொடர்பாக விசாரிக்குமாறு அமெரிக்காவின் எஃப்.பி.ஐ.யிடம் பாஜக கோரிக்க வைக்கலாம் என்று காங்கிரஸ் யோசனை கூறியுள்ளது.

எகிப்தில் மீண்டும் கூட்டுப்படுகொலை! ராணுவத்தின் காட்டுமிராண்டித்தம்!

கெய்ரோ: எகிப்தில் ஜனநாயகத்தை நிலை நாட்டுவதற்காக அமைதியாக போராடும் மக்கள் மீது மீண்டும் ராணுவம் தனது காட்டுமிராண்டித்தனத்தை கட்டவிழ்த்துவிட்டுள்ளது. அமைதியாக போராட்டம் நடத்தியவர்கள் மீது ராணுவம் நடத்திய மிருகத்தனமான துப்பாக்கிச்சூட்டில் 120 பேர் கொல்லப்பட்டதாக இஃவானுல் முஸ்லிமீனின் செய்தி தொடர்பாளர் தெரிவித்துள்ளார்.

மோடிக்கு எதிரான கடிதத்தில் இருப்பது உண்மையான கையெழுத்துதான்! - அமெரிக்கா

நரேந்திர மோடிக்கு, அமெரிக்க அரசு விசா வழங்கக் கூடாது என வலியுறுத்தி, இந்திய எம்.பி.க்கள் 65 பேர் கையெழுத்திட்டு அனுப்பியதாக கூறப்பட்ட கடிதத்தில் உள்ள கையெழுத்துகள் உண்மையானவைதான் என அமெரிக்கத் தடயவியல் நிபுணர் தெரிவித்துள்ளார். இதன் காரணமாக, இந்த விவகாரத்தில் புதிய திருப்பம் ஏற்பட்டுள்ளது.

வெடிகுண்டு தயாரிக்க பயிற்சி அளிக்கும் ஆர்.எஸ். எஸ்.! -திக் விஜய் சிங் குற்றச்சாட்டு!

நீமச்: வெடிகுண்டு தயாரிக்க ஆர்.எஸ். எஸ். பயிற்சி அளிக்கிறது என்று காங்கிரஸ் கட்சியின் மூத்த தலைவர் திக் விஜய் சிங் கூறியுள்ள குற்றச்சாட்டு புதிய சர்ச்சையை ஏற்படுத்தி உள்ளது. ஆர்.எஸ்.எஸ். அமைப்பை அவ்வப்போது சமயம் கிடைக்கும்போதெல்லாம் கடுமையாக விமர்சித்து வருபவர் திக்விஜய் சிங். இந்நிலையில் நீமச்சில் இன்று செய்தியாளர்களிடம் பேசிய திக்விஜய் சிங், மேற்கூறிய திடுக்கிடும் குற்றச்சாட்டை கூறினார். 

இரும்பால் தாக்கியதாலும் இளவரசன் இறந்திருக்கலாம்! - மறு பிரேத பரிசோதனை அறிக்கை!

தர்மபுரி: ரயில் மோதியதால் தலையில் காயம் ஏற்பட்டிருக்க வாய்ப்பு உள்ளது என்றும்,  கனமான இரும்பு பொருள் தாக்கியதாலும் இறந்திருக்கலாம் என்றும் இளவரசனின் உடல் மறு பிரேத பரிசோதனை அறிக்கையில் கூறப்பட்டுள்ளது.

ஃபுர்ஜ் கலீஃபாவை விட உயரமான கட்டிடத்தை கட்ட தொடங்கியது சீனா!

துபாயில் உள்ள பர்ஜ் கலிபா என்னும் 828 மீற்றர் உயரமுடைய வணிக வளாகமே தற்போது உலகிலேயே உயரமான கட்டிடம் என்ற பெருமையைப் பெற்று விளங்குகின்றது. இதனைக் கட்டி முடிப்பதற்கு ஐந்து ஆண்டுக் காலம் ஆனநிலையில், இதனை முறியடிக்கும் விதமாக தற்போது சீனாவில் 838 மீற்றர் உயரமுள்ள கட்டிடம் ஒன்று அமைக்கப்பட உள்ளது. இதன் கட்டுமான வேலைகள் கடந்த 20ம் திகதி தொடங்கியது.

டி.வி.யில் இணையதள வீடியோ பார்க்க கூகுளின் புதிய கருவி!

தொலைக்காட்சிப் பெட்டிகளில் இணையதள வீடியோக்களைப் பார்க்கும் வசதியை வழங்கும் ‌புதிய கருவியை கூகுள் நிறுவனம் அறிமுகப்படுத்தியுள்ளது. கூகுள் க்ரோம்கேஸ்ட் (ChromeCast) என்று பெயரிடப்பட்டுள்ள இந்தக் கருவியின் மூலம் ஸ்மார்ட்போன்கள், டேப்லெட்கள், லேப்டாப்கள் போன்றவற்றில் உள்ள வீடியோக்களைக் காண முடியும்.

பாரத ரத்னா விருதை திருப்பித் தர தயார்! - அமர்த்தியா சென் அதிரடி!

வாஜ்பாய் கேட்டுக்கொண்டால், பாரத ரத்னா விருதை திருப்பித் தர தயாராக இருப்பதாக பிரபல பொருளாதார நிபுணர் அமர்த்யா சென் தெரிவித்துள்ளார். தமது பேச்சுரிமையை பறிக்க முடியாதும் என்றும், மோடியை தான் விமர்சித்ததாகவும், பாரதிய ஜனதாவை விமர்சிக்கவில்லை என்றும் அவர் கூறியுள்ளார்.

இந்தியாவில் ஏழ்மை குறைவதாக அரசு கூறுவது உண்மையா?

புதுடெல்லி: இந்தியாவில் கடந்த ஏழு ஆண்டுகளாக ஏழ்மை வேகமாக குறைந்து வருவதாக இந்திய அரசாங்கம் வெளியிட்டுள்ள புதிய புள்ளிவிவரங்கள் குறிப்புணர்த்துகின்றன. இந்தியாவில் ஏழைகள் என்று வரையறுக்கப்படும் மக்கள் தற்போது நாட்டின் ஜனத்தொகையில் 22 சதவீதம் பேரே என இந்த விவரங்கள் காட்டுகின்றன. இந்தியாவில் பொருளாதாரம் வளர்ந்து வருவதும், சமூக நலத் திட்டங்களில் அரசாங்கம் பெருந்தொகைகளை செலவு செய்வதும் இந்த மாற்றத்துக்கு காரணம் என்று கூறப்படுகிறது.

இராமநாதபுரம்: பள்ளிவாசல் மீது தாக்குதல் நடத்திய பாசிஸ்டுகள்!

இராமநாதபுரம்: கடந்த 22.07.13 திங்கள் கிழமை பா.ஜ.க. சார்பாக கடையடைப்பு அறிவிக்கப்பட்டு இருந்தது. இராமநாதபுரத்தில் செய்யது அம்மாள் மேல்நிலைப் பள்ளியில் அமைந்துள்ள பள்ளிவாசலில் புகுந்து சில சமூக விரோதிகள் பள்ளிவாசலை சேதப்படுத்தியும் அங்கு இருந்த தொழுகைக்காக பயன்படுத்தும் தொப்பி, விரிப்பு, குர்ஆன் போன்றவற்றை எரித்தும் சிறுநீர் கழித்தும் மதவெறியோடு செயல்பட்டுள்ளார்கள்.

கோவை: மசூதி மீது பெட்ரோல் குண்டு வீசிய இந்து முன்னணி தீவிரவாதி கைது!

கோவை: ஓரிரு தினங்களுக்கு முன் கோவையில் மசூதி ஒன்றின் மீது பெட்ரோல் குண்டு வீசிய சிறுவாடையூர், கல்லூரை சேர்ந்த மதியழகன் (வயது 24) என்ற இந்து முண்ணனி பயங்கரவாதி என்பது காவல்துறை விசாரணையில் தெரியவந்துள்ளது. தமிழகத்தில் பாரதிய ஜனதா கட்சியின் மாநிலச் செயலாளர் ஆடிட்டர் ரமேஷ் என்பவர் படுகொலை செய்யப்பட்டதைக் கண்டித்து, பாரதிய ஜனதா சார்பில் கடந்த 22- ஆம் தேதி கடையடைப்பு போராட்டம் நடைபெற்றது.  அப்போது கோவை துடியலூர் என்ஜிஓ காலனியில் உள்ள மசூதி ஒன்றின் மீது மர்ம நபர்கள் பெட்ரோல் குண்டை வீசினர்.

இஷ்ரத்துடன் போலி என்கவுண்டரில் கொல்லப்பட்டவர்கள் குறித்து தகவல் அளிப்பவர்களுக்கு பரிசு! - சி.பி.ஐ!

இஷ்ரத் ஜஹான் போலி என்கவுண்டர் வழக்கில் அவருடன் அநியாயமாக கொல்லப்பட்ட இஷான் ஜோஹர், அம்ஜத் அலி ராணா ஆகியோர் தொடர்பாக நம்பகத்தன்மை வாய்ந்த தகவல்களை அளிப்பவர்களுக்கு ரூ.5 லட்சம் அளிக்கப்படும் என்று சிபிஐ அறிவித்துள்ளது.

மோடியை புறக்கணிக்கும் ம.பி. முதல்வர் சவுஹான்! : உச்சகட்ட 'கோஷ்டி'ப்பூசல்!

மத்தியப் பிரதேசத்தில் தேர்தல் நெருங்கி வரும் இந்த நேரத்தில், அம்மாநில முதல்வர் சவுஹான், "ஜன் ஆசீர்வாத் யாத்ரா" என்ற பெயரில் மக்களை சந்தித்து ஆதரவு திராட்டி வருகிறார்.

தீவிரவாத வழக்குகளில் முஸ்லிம்கள் சிக்க வைக்கப்படுவதாக ஹிந்துக்களும் நம்புகின்றனர்! - ஆய்வு தகவல்!

CNN IBN - The Hindu இணைந்து இந்திய வாக்காளர்களிடம் நடத்திய ஆய்வின் முடிவுகள் முஸ்லிம்களுக்கு நம்பிக்கையளிப்பதாக அமைந்துள்ளது. "தீவிரவாத வழக்குகளில் முஸ்லிம்கள் வேண்டுமென்றே சிக்க வைக்கப்படுகின்றனரா?" என்ற கேள்விக்கு பெரும்பான்மை இந்திய வாக்காளர்கள் (41%) 'ஆம் அல்லது இருக்கலாம்' என்று பதிலளித்துள்ளனர். இவர்களில் குறிப்பிடத்தக்கவர்கள் ஹிந்துக்கள் ஆவர். அதாவது, இப்படியாக ஒப்புக்கொண்டவர்களில் 40% ஹிந்துக்களும், 56% முஸ்லிம்களும் ஆவர். 

புத்த கயாவில் வெடித்த குண்டுகள் குஜராத்தில் தயாரிக்கப்பட்டவை! - என்.ஐ.ஏ உறுதி!

புத்தகயா குண்டுவெடிப்பில் பயன்படுத்தப்பட்ட டைமர்கள் குவஹாத்தியில் உள்ள கடையில் இருந்தும், வெடிப்பொருள் குஜராத்தில் தயாரிக்கப்பட்டது என்றும் தேசிய புலனாய்வு ஏஜன்சி(என்.ஐ.ஏ) கண்டுபிடித்துள்ளது.

மதிய உணவில் விஷம், புத்தகயா குண்டுவெடிப்பின் பின்னணியில் பா.ஜ.க -ஆர்.ஜே.டி சதி!-முதல்வர் நிதிஷ் குமார் அதிர்ச்சிகர குற்றச்சாட்டு!

பாட்னா: பீகாரில் சத்துணவு சாப்பிட்டு 23 குழந்தைகள் இறந்த சம்பவத்தின் பின்னணியில் அரசியல் சதி இருப்பதாக மாநில முதல்வர் நிதீஷ்குமார் குற்றம் சாட்டியுள்ளார். பீகாரின் சாப்ரா மாவட்டம், சரன் நகரில் கடந்த வாரம் பள்ளிக்கூடத்தில் விஷம் கலந்த சத்துணவு சாப்பிட்டு 23 குழந்தைகள் இறந்தனர். இச்சம்பவத்துக்கு காரணமான யாரும் இதுவரை கைது செய்யப்படவில்லை. தலைமறைவான பள்ளி முதல்வரைக் கைது செய்வதற்கு சாப்ரா நீதிமன்றம் கைது வாரண்ட் பிறப்பித்துள்ளது.

டால்பின்களுக்கு பெயர் இருக்கிறதா?! ஆமாம் என்கிறார்கள் விஞ்ஞானிகள்!

மனிதர்கள் ஒவ்வொருக்கும் ஒரு பெயர் இருப்பது போல் டால்பின் மீன்களுக்கும் பெயர் இருக்கிறது என்பதை விஞ்ஞானிகள் கண்டுபிடித்துள்ளனர்.

பா.ஜ.க பந்த்: இஸ்லாமிய இயக்கங்களின் கூட்டமைப்பு கண்டனம்!

சென்னை: சேலத்தில் பா.ஜ.க வின் மாநில பொதுச்செயலாளர் ஆடிட்டர் ரமேஷ் மர்ம நபர்களால் கொலை செய்யப்பட்டதை கண்டித்து நேற்று (22.7.2013) தமிழகத்தில் முழு கடையடைப்புக்கு அக்கட்சி அழைப்பு விடுத்தது. பா.ஜ.க. நடத்திய இந்த பந்த் தொல்வியை தழுவியது என்றாலும் பல இடங்களில் முஸ்லிம்களின் வழிபாட்டுத்தலங்கள் மீதும், வணிக நிர்வனங்கள் மீதும் பா.ஜ.க வினர் தாக்குதல் நடத்தினர். இதற்கு தமிழ்நாடு இஸ்லாமிய இயக்கங்கள் மற்றும் அனைத்து அரசியல் கட்சிகளின் கூட்டமைப்பினர் கண்டனம் தெரிவித்துள்ளனர்.

இணையதளம் மூலம் 10 நிமிடத்தில் மணி ஆர்டர் சேவை!- தபால் துறை அறிமுகம்!

சென்னை: இணைய தளம் வழியாக பணம் அனுப்பும் வசதியை தபால் துறை அறிமுகம் செய்துள்ளது. இதன் மூலம் நாட்டின் எந்த பகுதியில் இருந்தும் இரண்டு நபர்கள் இண்டர்நெட் மூலம் பணம் அனுப்பும் உடனடி மணி ஆர்டர் சர்வீசில் 10 நிமிடத்தில் பணம் அனுப்பவும், பெறவும் முடியும்.

மோடிக்கு அமெரிக்க விசா! - 65 எம்.பிக்கள் எதிர்ப்புக் கடிதம்!

2002 ஆம் ஆண்டு குஜராத்தில் இனப்படுகொலைகளை மேற்கொண்ட குஜராத் முதல்வர் நரேந்திரமோடிக்கு அமெரிக்க அரசு உள்நுழைவு அனுமதி (விசா) மறுத்துவருவது அறிந்ததே. தற்சமயம் அமெரிக்காவில் சுற்றுப்பயணம் செய்து வரும் பாரதிய ஜனதா கட்சியின் தேசிய தலைவரான ராஜ்நாத்சிங்,  நரேந்திரமோடிக்கு அமெரிக்க விசா பெறுவதற்கு மிகவும் முனைப்பு காட்டி வருகிறார்.

தீவிரவாதத்தின் அடையாளம் பாரதீய ஜனதா கட்சி!-காங்கிரஸ் குற்றச்சாட்டு!

பாரதிய ஜனதா கட்சி தீவிரவாதத்தின் அடையாளக் குறியீடு என்று காங்கிரஸ் செய்தித் தொடர்பாளர் மீம் அஃப்ஸல் கூறியுள்ளார். முன்னதாக, குஜராத் இனப்படுகொலையால் தான் இந்திய முஜாஹிதீன் என்கிற தீவிரவாத இயக்கம் உருவானது என்று காங்கிரஸ் பொதுச்செயலாளர் ஷகீல் அகமது கூறியிருந்தது அறிந்ததே.

புர்கா: பிரான்சில் தொடரும் போராட்டம்!

பாரிஸ்: பிரான்ஸ் தலைநகர் பாரிஸின் புறநகர்ப் பகுதிகளில் இரண்டாவது இரவும் வன்முறைகள் நடந்துள்ளன. பிரான்ஸின் பொது இடங்களில் முஸ்லிம் பெண்கள் முகத்திரை- புர்கா அங்கி அணிவதற்கு உள்ள தடையை எதிர்த்து நடந்துவரும் போராட்டங்களிலேயே இந்தக் கலவரங்கள் நடந்துள்ளன.

ஆஃபியா சித்தீகி பாகிஸ்தானிடம் ஒப்படைக்கப்படுவார்!

வாஷிங்டன்: பாகிஸ்தானைச் சார்ந்த விஞ்ஞானி ஆஃபியா சித்தீகியை அமெரிக்கா அந்நாட்டிடம் ஒப்படைக்க உள்ளது. இதுத்தொடர்பாக இரு நாடுகளுக்கு இடையே ஒப்பந்தம் ஏற்பட்டுள்ளது. பரஸ்பரம் கைதிகளை பரிமாறும் வாக்குறுதியை அமெரிக்கா முன்வைத்தது. ஒப்பந்தம் இறுதி வடிவம் பெற்றால் ஆஃபிய பாகிஸ்தானிடம் ஒப்படைக்கப்படுவார்.

தமிழகத்தில் சங்க்பார் தலைவர்களின் மரணம்! - விசாரணை நடத்த சிறப்பு புலனாய்வுக்குழு விசாரணை நடத்தும்!

சென்னை: தமிழக பா.ஜ.க. பொதுச் செயலாளர் வி.ரமேஷ் கொலைச் சம்பவம் தொடர்பாக சிறப்புப் புலனாய்வுப் பிரிவு விசாரணைக்கு முதல்வர் ஜெயலலிதா உத்தரவிட்டுள்ளார். இந்த வழக்கை விரைந்து விசாரிப்பதற்காக சிறப்புப் புலனாய்வுப் பிரிவை அமைக்குமாறு தமிழக டி.ஜி.பி.க்கு உத்தரவிட்டுள்ளதாகவும், இந்து முன்னணியின் மாநிலச் செயலாளர் வெள்ளையப்பனின் கொலைச் சம்பவத்தையும் இந்த சிறப்புப் பிரிவினர் விசாரணைக்கு எடுத்துக்கொள்வார்கள் எனவும் அவர் தெரிவித்துள்ளார்.

இந்துத்துவாவின் அடிப்படையில் நாட்டை வலுப்படுத்த போகிறதாம் ஆர்.எஸ்.எஸ்!

பாட்னா: இந்துத்துவத்தின் அடிப்படையில் வலுவான நாட்டை உருவாக்குவதே ஆர்.எஸ்.எஸ். இயக்கத்தின் நோக்கம் என்று அதன் தலைவர் மோகன் பாகவத் கூறியிருக்கிறார். பீகார் மாநிலம் பாட்னாவில் சிராவண பெளர்ணமியை முன்னிட்டு ஞாயிற்றுக்கிழமை நடைபெற்ற நிகழ்ச்சியொன்றில் கலந்துகொண்டு ஹிந்துத்துவா பயங்கரவாத இயக்கத்தின் தலைவர் மோகன் பாகவத் கூறியது: ராஷ்ட்ரீய ஸ்வயம்சேவக் சங்கத்தின் (ஆர்.எஸ்.எஸ்.) குறிக்கோள்கள், செயல்பாடுகள் குறித்து அறியாததால் அந்த இயக்கத்தைப் பற்றி பல காரணங்களுக்காக பல தவறான கருத்துகள் நிலவிவருகிறது. சமூகத்தில் சீர்திருத்தங்களை கொண்டு வந்து, இந்தியாவை வலுவுள்ள நாடாக உருவாக்கும் பெரும் கடமையில் ஆர்.எஸ்.எஸ். ஈடுபட்டிருக்கிறது. இந்துத்துவ அடிப்படையில் வலுவான இந்தியாவை உருவாக்க வேண்டும் என்பது ஆர்.எஸ்.எஸ். இயக்கத்தின் செயல்பாடுகளின் நோக்கம். இந்துத்துவம்தான் இந்தியாவின் அடிப்படையும் அடையாளமுமாகும். இந்துத்துவத்தை ஒரு குறிப்பிட்ட மதம் அல்லது ஒரு குறிப்பிட்ட பிரிவினரின் கோட்பாடாக எண்ணுவது தவறு.

குஜராத்தில் குறைந்துபோன மக்களின் வாங்கும் சக்தி! - அம்பலமாகும் மோடியின் மோசடி!

டெல்லி: குஜராத் மாநிலத்தில் நகர்ப்புற மற்றும் கிராமப் புறங்களில் மக்களின் செலவிடும் சக்தி குறைந்து போயுள்ளதாக புள்ளி விவரங்கள் தெரிவிக்கின்றன.நாட்டின் அனைத்து மாநில கிராமப் புற மற்றும் நகர்ப் புற மக்களின் செலவிடும் சக்தி தொடர்பாக நேஷனல் சாம்பிள் சர்வே ஆர்கனைஷேசன் என்ற அமைப்பு ஆய்வு செய்தது.

பந்த் என்னும் பெயரில் பா.ஜ.க வினர் வன்முறையாட்டம்! பாப்புலர் ஃப்ரண்ட் கண்டனம்!

சென்னை: பாஜகவின் மாநில பொதுச்செயலாளர் ஆடிட்டர் ரமேஷ் (52) சேலத்தில் சில மர்ம நபர்களால் வெட்டிக் கொலை செய்யப்பட்டார். ஆடிட்டர் ரமேஷ் கொலை செய்யப்பட்டதற்கு பாஜக சார்பாக இன்று (22.07.2013 ) தமிழகம் முழுவதும் முழு கடை அடைப்பிற்கு பா.ஜ.க அழைப்பு விடுத்துள்ளது. பாஜக சார்பில் நடைபெற்ற இந்த பந்தில் தமிழகம் முழுவதும் பெரும்பான்யான பகுதிகளில் வன்முறை வெடித்தது. பாஜகவின் வன்முறை நடவடிக்கைக்கு பாப்புலர் ஃப்ரண்ட் ஆஃப் இந்தியா கண்டனம் தெரிவித்துள்ளது.

இஸ்ரேலின் மிரட்டலை சிரித்து நிராகரித்த ஈரான் அதிபர்!

டெஹ்ரான்: ஈரானை தாக்குவோம் என்ற இஸ்ரேல் பிரதமர் பெஞ்சமின் நெதன்யாகுவின் மிரட்டலை புதிதாக தேர்ந்தெடுக்கப்பட்டுள்ள ஈரான் அதிபர் ஹஸன் ரூஹானி சிரித்து விட்டு நிராகரித்துள்ளார்.

வங்காளதேசம்: ஜமாஅத்தே இஸ்லாமி தலைவருக்கு மரணத்தண்டனை: சர்ச்சைக்குரிய சர்வதேச தீர்ப்பாயம் தீர்ப்பு!

டாக்கா: வங்காளதேசத்தில் மிகப்பெரிய இஸ்லாமியக் கட்சியான ஜமாஅத்தே இஸ்லாமியின் மூத்த தலைவருக்கு அரசு உருவாக்கிய சர்ச்சைக்குரிய சர்வதேச தீர்ப்பாயம் மரணத் தண்டனை விதித்துள்ளது. ஜமாஅத்தே இஸ்லாமியின் பொதுச் செயலாளரான 65 வயதுடைய அலி அஹ்ஸன் முஹம்மது முஜாஹிதை, கடத்தல், கொலை உள்ளிட்ட ஐந்து வழக்குகளில் குற்றவாளி என்று கூறி தண்டனை வழங்கப்பட்டுள்ளது.

உடல் எடையில் ஒரு கிலோவை குறைத்தால் ஒரு கிராம் தங்கம் பரிசு!: துபாய் அரசு அறிவிப்பு!

உடல் பருமன் நோயால் மக்களுக்கு ஏற்படும் பக்க விளைவுகளை கட்டுப்படுத்தும் வகையில் உடல் எடையில் ஒரு கிலோவை குறைப்பவர்களுக்கு ஒரு கிராம் தங்கம் பரிசாக வழங்கும் புதிய சுகாதார திட்டத்தை துபாய் அரசு அறிமுகப்படுத்தியுள்ளது. 

இந்தியாவையே விற்றுவிட துடிக்கும் ஐ.மு.கூட்டணி அரசு!-மம்தா பானர்ஜி ஆவேசம்!

தொலைத் தொடர்பு துறை, பாதுகாப்பு துறை, இன்சூரன்ஸ் துறை ஆகியவற்றில் நேரடி அன்னிய முதலீட்டை அனுமதிப்பதன் மூலம் இந்தியாவையே விற்றுவிட ஐக்கிய முற்போக்கு கூட்டணி அரசு துடிப்பதாக மேற்கு வங்காள மாநில முதல் மந்திரி மம்தா பானர்ஜி குற்றம் சாட்டியுள்ளார். 

சமூக வலைத் தளங்களைப் 13 வயதிற்கு குறைவானவர்கள் பார்க்க உரிமை இல்லை!: டெல்லி உயர் நீதிமன்றம்!

முக நூல், ஆர்குட் (Face book, Orkut) போன்ற வலைதளங்களை 13 வயதிற்கு குறைவானவர்கள் பார்க்க உரிமை இல்லை என்ற கட்டுப்பாட்டை விதிக்க வேண்டும் என, சம்பந்தப்பட்ட வலை தளங்களின் நிர்வாகத்திடம் டெல்லி உயர் நீதிமன்றம் வலியுறுத்தியுள்ளது.

பீகார்: மதிய உணவில் பூச்சிக் கொல்லி மருந்து கலந்ததாலேயே குழந்தைகள் உயிரிழப்பு!

பாட்னா: பீகாரில் மதிய உணவு உட்கொண்ட பள்ளிக்குழந்தைகள் 22 பேர் உயிரிழந்துள்ள நிலையில், மதிய உணவில் பூச்சிக் கொல்லி மருந்து கலந்திருந்ததே இச்சம்பவத்திற்கு காரணம் என தெரியவந்துள்ளது. 

எகிப்து:முர்ஸி ஆதரவாளர்கள் மீது துப்பாக்கிச்சூடு! - 7 பேர் பலி!

கெய்ரோ: எகிப்தில் பதவி விலக்கப்பட்ட அதிபர் முஹம்மது முர்ஸியின் ஆதரவாளர்களுக்கும், பாதுகாப்புப் படையினருக்கும் இடையே கடந்த இரவு நடந்த மோதல்களில் கெய்ரோவில் 7 பேர் கொல்லப்பட்டிருக்கிறார். தலைநகரில் ஒரு முக்கிய வீதியில் போராட்டம் நடத்திய ஆர்ப்பாட்டக்காரார்கள் மீது போலீசார் கண்ணீர்ப்புகைப் பிரயோகம் செய்துள்ளனர்.

இஷ்ரத்தின் பெயரை ஹெட்லி கூறவில்லை - என்.ஐ.ஏ!

புதுடெல்லி: இஷ்ரத் ஜஹான் லஷ்கர் - இ - தய்யிபா போராளி இயக்கத்தைச் சார்ந்தவர் என்ற ஐ.பி மற்றும் குஜராத் போலீஸின் கூற்று பொய் என்பது நிரூபணமாகியுள்ளது. இஷ்ரத்தின் பெயரை ஹெட்லி கூறவில்லை என்று குறிப்பிட்டு என்.ஐ.ஏ, மத்திய உள்துறை அமைச்சகத்திற்கு ரிப்போர்ட் அனுப்பியுள்ளது.ஐ.பி இதே வாதத்தை முன்னர் கூறியபோதும் அதனை என்.ஐ.ஏ மறுத்திருந்தது.

இஷ்ரத் போலி என்கவுண்டர் வழக்கு:அமித் ஷா சிக்குகிறார்!புதிய ஆதாரங்களுடன் சி.பி.ஐ!

புதுடெல்லி: இஷ்ரத் ஜஹான் உள்ளிட நான்கு அப்பாவிகள் அநியாயமாக போலி என்கவுண்டரில் சுட்டுக்கொல்லப்பட்ட வழக்கில் குஜராத் மாநில முன்னாள் உள்துறை அமைச்சரும், குஜராத் முஸ்லிம் இனப்படுகொலை புகழ் நரேந்திரமோடியின் நம்பிக்கைக்குரியவருமான அமித் ஷாவுக்கு எதிரான ஆதாரங்களை சி.பி.ஐ நீதிமன்றத்தில் தாக்கல் செய்துள்ளது. 

பாப்புலர் பிரண்ட் குறித்து அவதூறு செய்தி வெளியிட்ட வழக்கு! - ஐ.பி, என். ஐ.ஏவுக்கு ப்ரஸ் கவுன்சில் நோட்டீஸ்!

புதுடெல்லி: நற்பெயரை கெடுக்கும் வகையில் செய்தி வெளியிட்டதை தொடர்ந்து 10 நாளிதழ்களுக்கு எதிராக பாப்புலர் ஃப்ரண்ட் ஆஃப் இந்தியா அளித்த புகாரில் ஐ.பி மற்றும் என்.ஐ.ஏவுக்கு ப்ரஸ் கவுன்சில் ஆஃப் இந்தியா நோட்டீஸ் அனுப்ப உத்தரவிட்டுள்ளது. நேற்று டெல்லியில் நடந்த அமர்வில் பாப்புலர் ஃப்ரண்ட் ஆஃப் இந்தியா அளித்த புகாரில் வாதம் கேட்டபிறகு நோட்டீஸ் அனுப்ப தீர்மானிக்கப்பட்டது.

சர்ச்சைக்குரிய கருத்து நரேந்திரமோடி மீது அவதூறு மற்றும் தேச துரோக வழக்கு பதிவு!

குஜராத் முதல்–மந்திரி நரேந்திர மோடி, ஒரு பேட்டியில் கோத்ரா கலவர சம்பவம் குறித்து வருத்தம் உண்டா? என்ற கேள்விக்கு வளர்ப்பு நாயை ஒப்பிட்டு பதில் அளித்தார். இதனை சுட்டிக்காட்டி நரேந்திரமோடி மீது பாட்னா பல்கலைக்கழக புள்ளியியல் துறை ஆசிரியர் பினெய் குமார்சிங் என்பவர் பாட்னா தலைமை ஜுடீசியல் மாஜிஸ்திரேட்டு கோர்ட்டில் அவதூறு மற்றும் தேச துரோக வழக்கு தொடர்ந்தார். 

சிரியாவில் நடக்கும் உள்நாட்டுப் போரில் 6,500 குழந்தைகள் உட்பட 92 ஆயிரம் பேர் பலி!

சிரியாவில் நடக்கும் உள்நாட்டுப் போரில் 92 ஆயிரம் அப்பாவி மக்கள் கொல்லப்பட்டிருப்பதாக ஐக்கிய நாடுகள் சபை கூறியுள்ளது. இவர்களில் 6 ஆயிரத்து 500 பேர் குழந்தைகள் என்ற அதிர்ச்சித் தகவலையும் ஐ.நா. வெளியிட்டுள்ளது.

பிகார்: அரசு பள்ளியில் மதிய உணவு சாப்பிட்ட 16 குழந்தைகள் பலி!

பிகார் மாநிலத்தில் உள்ள அரசு பள்ளி ஒன்றில் தரமற்ற மதிய உணவைச் சாப்பிட்ட சம்பவத்தில் பலியான குழந்தைகளின் எண்ணிக்கை 16 ஆக உயர்ந்துள்ளது. பிகாரின் சரன் மாவட்டத்தில் உள்ள மஸ்ராஹ் கிராமத்தில் உள்ள அரசு பள்ளி ஒன்றில் நேற்று மதிய உணவு சாப்பிட்ட குழந்தைகள் திடீரென வாந்தி எடுத்தனர். சிலர் மயக்கமடைந்தனர். பள்ளியிலேயே 5 குழந்தைகள் மரணம் அடைந்ததாக கூறப்படுகிறது. இதையடுத்து, பாதிக்கப்பட்ட குழந்தைகள் அங்குள்ள மருத்துவமனையில் சேர்க்கப்பட்டனர். இதுவரை 16 குழந்தைகள் உயிரிழந்துள்ளனர்.

புத்தகயா குண்டுவெடிப்பு: சந்தேக குற்றவாளியின் வரைபடத்தை வெளியிட்டது என்.ஐ.ஏ!

பீகார் புத்தகயா மகாபோதி கோவில் குண்டுவெடிப்பு சம்பவம் தொடர்பான சந்தேக குற்றவாளியின் வரை படத்தை தேசிய புலனாய்வு ஏஜென்சியான என்.ஐ.ஏ வெளியிட்டுள்ளது. பீகார் மாநிலம் புத்தகயாவில் உள்ள மகாபோதி கோவிலில், கடந்த ஜூலை 7 ஆம் தேதி நடத்தப்பட்ட தொடர் குண்டு வெடிப்பு தாக்குதலில் 2 பேர் காயமடைந்தனர்.

கேலி, கிண்டல் எதிரொலி!- மோடி கூட்டத்திற்கு நுழைவுக் கட்டணம் ரத்து!

நரேந்திர மோடி ஹைதராபாத்தில் உள்ள லால்பகதூர் அரங்கில் அடுத்த மாதம் 11–ந் தேதி பேச இருந்த கூட்டத்திற்கு நுழைவுக் கட்டணமாக ரூ.5 வசூலிக்க பாஜக திட்டமிட்டிருந்த முடிவை அண்மையில் திரும்பப் பெற்றுள்ளது.

கஷ்மீர் இளைஞர் மும்பையில் மர்மமான முறையில் மரணம்!-மக்கள் போராட்டம்!

ஸ்ரீநகர்: கஷ்மீரைச் சார்ந்த இளைஞர் ஒருவர் மும்பையில் மர்மமான முறையில் மரணித்த சம்பவம் தொடர்பாக ஸ்ரீநகரில் வன்முறை ஏற்பட்டது. இளைஞரின் மரணம் கொலை என்று கூறி ஊர்மக்களும், போலீசும் மோதலில் ஈடுபட்டனர். மும்பை மருத்துவமனை ஒன்றில் மரணித்த நிலையில் கண்டெடுக்கப்பட்ட குலாம்தன்போராவைச் சார்ந்த பர்வேஸ் அஹ்மது டெலியின் உடல் நேற்று முன் தினம் மாலையில் ஸ்ரீநகருக்கு கொண்டுவரப்பட்டது.

SDPI கட்சியின் தன்னலமற்ற சேவையின் எதிரொலி! ஒரே நாளில் 170 துப்புறவு பணியாளர்களை களமிறக்கிய மாநகராட்சி!

நெல்லை: கடந்த 07.07.2013 அன்று மாநகராட்சியின் 37 வது வார்டுக்கு உட்பட்ட காஜா நாயகம் தெருவின் சுகாதார சீர்கேட்டை சரி செய்யும் நோக்கில் SDPI கட்சியினர் "நமக்கு நாமே" என்ற தன்னலமற்ற சமூக சேவையை கையில் எடுத்து காஜா நாயகம் தெரு மற்றும் மேத்தமார்பாளையம் 4 வது தெருவின் தேங்கி கிடந்த கழிவுநீர் ஓடைகளை சிறிதும் தயக்கமின்றி தாங்களின் கைகளாலே சுத்தம் செய்து பல மாதங்களாக தேங்கிக் கிடந்த மலக் கழிவுகளை அப்புறப்படுத்தின் கழிவு நீர் ஓடைகளை சரிசெய்து கழிவுநீரை (சாக்கடை) ஓடச்செய்தனர். 

மோடியின் உண்மையான மதிப்பு ஐந்து ரூபாய்! - மத்திய அமைச்சர் மணீஷ் திவாரி!

ஆந்திர மாநிலம், ஹைதராபாத்தில் உள்ள லால்பகதூர் மைதானத்தில் ஆகஸ்ட் 11ஆம் தேதி பா.ஜ.க. பொதுக் கூட்டம் நடைபெறுகிறது. இந்த கூட்டத்தில் மோடியின் பேச்சை கேட்பதற்காக நுழைவுக் கட்டணமாக 5 ரூபாயை  பா.ஜ.க. வசூல் செய்து வருகிறது.

எகிப்து: புனித நோன்புடன் தொடரும் முர்ஸிக்கு ஆதரவான உணர்வு ரீதியான போராட்டம்!

எகிப்தில் ஜனநாயக முறையில் தேர்வான முதலாவது ஜனாதிபதி முஹம்மது முர்சி இராணுவ சதி மூலம் பதவி கவிழ்க்கப்பட்டு இரு வாரங்களை எட்டும் நிலை முர்சி ஆதரவாளர்கள் தலைநகர் கெய்ரோவில் தொடர்ந்து முகாமிட்டுள்ளனர்.

கும்பகோணம் பள்ளி தீ விபத்து! - பெற்றோர்கள் உச்சநீதிமன்றத்தில் வழக்கு!

கும்பகோணம் பள்ளியில் நடந்த தீ விபத்தில் 94 குழந்தைகள் உயிரிழந்த அந்த சம்பவத்தை யாராலும் அவ்வளவு எளிதில் மறந்து விட முடியாது. உயிரிழந்த அந்த குழந்தைகளின் 9-ம் ஆண்டு நினைவஞ்சலி நிகழ்ச்சி இன்று நடைபெறவுள்ளது. ஆனால், இத்தனை ஆண்டுகள் ஆகியும் இன்னும் இதுதொடர்பான வழக்கு நீதிமன்றத்தில் நடைபெற்று வருகிறது.

ஹரியானா: போதை விருந்தில் மாணவர்கள்! - 100-க்கும் மேற்பட்டோர் கைது!

ஹரியானா மாநிலத்தில் உள்ள மது குடி மையத்தில் போதை விருந்தில் பங்கேற்ற 100க்கும் மேற்பட்ட பள்ளி மாணவ மாணவிகளை போலீசார் கைது செய்துள்ளனர். மில்லினியம் சிட்டி என்று பெருமையுடன் அழைக்கப்படும் குர்கான் நகரில்தான் இந்த கலாச்சார சீரழிவு சம்பவம் அரங்கேறி உள்ளது. சம்பவ இடத்துக்கு விரைந்த போலீசார் மாணவ மாணவிகளை கைது செய்தனர். அவர்கள் பயன்படுத்திய மது பாட்டில்கள் கைப்பற்றப்பட்டன.

பிரிவினை ஏற்படுத்த முயற்சி செய்யும் பாஜகவுக்கு மம்தா எச்சரிக்கை!

இந்து தேசியவாதி என்று அறிவித்துள்ள நரேந்திர மோடி ராமகிருஷ்ண பரமஹம்சரை விட பெரியவரா என மேற்கு வங்க மாநில முதலமைச்சர் மம்தா பானர்ஜி கேள்வி எழுப்பியுள்ளார். ஹவுரா மாவட்டதில் நடைபெற்ற தேர்தல் பிரச்சார கூட்டத்தின்போது அவர் இதனை தெரிவித்துள்ளார். இந்துக்களும், முஸ்லிம்களும் ஒரு கிளையில் பூத்த மலர்களை போன்றவர்கள் என்றும், தங்களுக்கு இரு பிரிவினர் மீதும் அக்கறை உண்டு என மம்தா பானர்ஜி கூறியுள்ளார்.

தொடர்ந்து சரிந்துவரும் ரூபாய் மதிப்பு : கட்டுப்படுத்த ரிசர்வ் வங்கி திட்டம்!

ரூபாய் மதிப்பு வீழ்ச்சியடைவதைத் தடுக்க ரிசர்வ் வங்கி புதிய நடவடிக்கைகளை எடுக்கப்போவதாக அறிவித்துள்ளது. அதன்படி வங்கிகளுக்கான வட்டி விகிதத்தை உயர்த்த முடிவு செய்துள்ளது. 8 புள்ளி 25 சதவீதமாக இருந்த வட்டிவிகிதத்தை 2 சதவீதம் உயர்த்தி 10 புள்ளி 25 சதவீதமாக அதிகரிக்க திட்டம் வகுத்துள்ளது.